İnteqrasiya olunmuş Keyfiyyət, Sağlamlıq, Əməyin Təhlükəsizliyi və Ətraf Mühit Siyasəti

Siyasət Bəyanatı

"Qaya Safety Solutions" olaraq, mina və partlamamış hərbi sursat (PHS) təmizləmə fəaliyyəti üzrə ISO 9001:2015 (Keyfiyyət İdarəetməsi), ISO 14001:2015 (Ətraf Mühitin İdarəetməsi) və ISO 45001:2018 (Səhiyyə və Əməyin Təhlükəsizliyi İdarəetməsi) standartlarının tələblərinə uyğun, təhlükəsiz, yüksək keyfiyyətli və ətraf mühitə məsuliyyətli xidmət göstərməyə sadiqik.
İnteqrasiya olunmuş idarəetmə sistemimiz (IMS) bütün fəaliyyətimizin müştəri gözləntilərini qarşılamasını, qanuni və digər tələblərə riayət olunmasını və performansımızın davamlı yaxşılaşdırılmasını təmin edir.
Bizim Öhdəliklərimiz:
•    Müştəri, qanunvericilik, normativ və maraqlı tərəflərin tələblərinə tam uyğun mina və PHS təmizləmə xidməti göstərmək;
•    Mina və PHS təmizləmə fəaliyyətində sağlamlıq, təhlükəsizlik və ətraf mühit risklərini müəyyənləşdirmək, qiymətləndirmək və minimuma endirmək;
•    Bütün əməkdaşlar, podratçılar və qonaqlar üçün təhlükəsiz və sağlam iş şəraiti yaradaraq işlə əlaqədar xəsarət və xəstəliklərin qarşısını almaq;
•    Ətraf mühiti qorumaq, çirklənmənin qarşısını almaq, tullantıların minimuma endirilməsi və resurslardan səmərəli istifadə etmək;
•    IMS məqsəd və proseslərinin mütəmadi monitorinqi, ölçülməsi və nəzərdən keçirilməsi vasitəsilə davamlı inkişafı təşviq etmək;
•    Keyfiyyət və SƏTƏM məsələlərində bütün əməkdaşların məsləhətləşmədə və iştirakında fəallığını təmin etmək və təşviq etmək;
•    Bütün əməkdaşların IMS çərçivəsində səlahiyyətli, təlim keçmiş və öhdəliklərindən xəbərdar olmasını təmin etmək;
•    Mina təmizləmə, ətraf mühit və əməyin təhlükəsizliyi ilə bağlı Azərbaycan Respublikasının qanunvericiliyinə, IMAS beynəlxalq standartlara və qabaqcıl təcrübəyə tam riayət etmək;
•    Davamlı inkişafı təmin etmək üçün Keyfiyyət və SƏTƏM məqsəd və hədəflərini müəyyənləşdirmək və mütəmadi nəzərdən keçirmək;
•    Bu siyasəti şirkət adından işləyən və ya onun adından fəaliyyət göstərən bütün şəxslərə çatdırmaq və ictimaiyyətin və maraqlı tərəflərin nəzərinə çatdırmaq.
Bu siyasət illik əsasda və ya fəaliyyətimizdə, qanunvericilikdə və ya kontekstdə əhəmiyyətli dəyişiklik olduqda yenidən nəzərdən keçirilir.